متستسلمش
مهما كان حلمك بعيد
مهما كنت انت وحيد
خلي املك في جديد
سبح ربك وحده
مهما حاولوا يكسروك
وبكلامهم يحبطوك
اي حد يهز فيك
ف بثباتك سكته
متستسلمش
لو طريقك في صعاب
او ف مرة هدفك خاب
حتي لو بقيت مصاب
قوي قلبك ثبته
لما صاحبك يوم يسيبك
او مفيش فلوس ف جيبك
واتخلي عنك حبيبك
عافر كمل خطوتك
متستسلمش
مهما عابوا فيك كتير
مهما كنت انت فقير
حتي لو همك كبير
صمم نور سكتك
لو في شخص اذكي منك
و ف دراسته معدي سنك
كل ده ميثبتش انك
فاشل ناسي مهمتك
متستسلمش
لما حب سنين يروح
لما ظلم الناس يفوح
او يكون جواك جروح
متوقفش مشيتك
كلمة مني بقولها ليك
متشمتش حد فيك
او يكون معاك شريك
كاره حاقد نعمتك
قوي قلبك بالصلاة
حلي عينك بالحياة
خلي قرآنك نجاة
علي قوي همتك
متستسلمش