سلمى عز الرجال تكتب: الملامح هى هى

بنت خايفة من اللى فات رافضة حتى تعيش حياتها أوضة ضلمة وسماعات حتى مش بتشوف صورتها كل موقف فات عليها ناس باعوها وهى شارية ناس بتسحب من طاقتها بس هى لسه سارية تبقى دايما هى صادقة ف المشاعر والكلام بس ولا مرة بتلقى حد صادق ف اهتمام كانت بتخلص ف العلاقة حب كانت أو صداقة والنهاية الكل باع لما عرفت الحقيقة وإنها فيهم خسارة زعلت بشوية صداع كل يوم كانت بتدعى ربنا يعوضها خير كل فرحة بتيجى ليها تعرف أن الخير كتير واللى راح مسيره يندم واللى جاى هنعيش معاه واللى يوم كبر وجودى مستعدة أموت فداه لما يوم فوضت أمرى للى خلق الكون بحاله كل يوم يجبر بخاطرى واللى راح جابلى بداله جالى ناس حبتنى فعلا مش مجاملة ومش كلام كل يوم يكبر نجاحى مش نهاية والسلام الملامح هى هى بس زايدة ضحكتين عيش حياتك للى عايزك واللى بيفرح عيونك مش يسيبهم دبلانين واللى على زعلك يخاف واللى مهما يكون ما بينكوا يبقى شوق لسنين عجاف حب حد يحبك انت مش لاى حاجة تانية تبقى روحة بس حلوة غيرها كل حاجة فانية