سامح فكرى رتيب يكتب: آه يا زمن

حملى تقيل يا زمن ومين يقدر بس عليه الهم جبل وقلب مكسور مين يقدر يداويه الآهة تبكى الجبل والدمع فيضان يجرى عليه والقلب الحزين فى وجعه مين يحس بيه حملى لو يشيله الجمل يبكى عليا بدموع عينيه والصبر جميل يا زمن والفرج بكره ألاقيه والمر عليا اكتب والقلب فى عطشه منه تسقيه وكترت حمولك يا زمن والقلب الموجوع ليه تبكيه وأخ منك يا زمن والقلب فى الجرح مين ينسيه ووجعى زاد يا زمن والقلب الضعيف ليه تلعب بيه وآه يا قلبى من أوجاعى و الزمن إيه يرضيه والزمن كله غدر والقلب الزمن غدر بيه واعمل إيه يا زمن والقلب الهموم تقلت عليه آه يا قلبى ليه كتمت فى سكوتك آهة وجعنا على صوتك يلا نعلن لكل الدنيا غدر زماننا والعمر من كتر الهموم شاب من رجوع لشباب تاني وآه من زمانى اللى ما يعرف لراحة القلب معاني وآه لو الأحزان تنسانى والسعادة تجى فى يوم والهموم تفنى والحمول والأحزان لا تدوم وأعيش حياتى من غير حمل من غير هموم لو للحظة واحدة لو باقى من العمر بس يوم وآه منك يا زمانى ياللى الحزن ليك معانى دا اللى يروح من العمر مش راجع تاني وآه من أوجاعك يا زماني