بيتر نجيب سعيد يكتب: حضن تفتيش.. "كمين 3"

قبل ما تسكت وتكتم آه على هم مكفيك دور عالضم .... وانضم للمتكلم فيك انضم للسحر المتخبى فى حب اهتم بتفاصيل الحضن الحاضرين مش غُرب دول فرح وحزن ودوشه واسرار قبل ما البوابة تزمر والبعد يتشرط ويتأمر والود يتحول لرسول فى بلد كفار اسمحلى ، اكونلك شباك ع نواصى الخلق وتشوف احضان تموت وتحيا فـ الحلق لناس سكرانه فى آلامها وناس بتلف فى دنيا الهم وناس تطلع من اه .... تسكن فى وجع أعم وناس اتخلت عن ضيف محروم من براح الضم اسمحلى ... اسمحلى اكونلك قاضى على ناس اغتالت حضن وخنقت تنهيده ووقفت عالبوابه شاويش تفتش فـ قلوبنا وتحكم بانى المعروف ، اتصرف فى زمن التحويش .....، يتبع ،