عبير حلمى تكتب: خذها نصيحة

يلا اتمنى الخير للغير هتلقاه جه لك بيطير مالك ماشى فى السكة الغريبة معاك أفراحك وكمان ضيقك كل ما هتسكت ولله تسلم وترمى وراك ولا تتكلم ولا تتنهد كده وتقول الكل بيجرى من حواليا ولا حد أبدا بيسأل فيا أشمعنى أنا وليه أنا ؟ وكلام كلام كلام كثير مرفوض كمان بتنظر لغيرك وتقول إزاى الكل بيجرى فى سيرك ووحدى واقف هنا ومحلك سر ممكن أسألك سؤال ؟ مالك مهموم يا غلبان يا حيران أنزل يلا حارب فى الميدان الرزق حقيقى مش للكسلان لا هينفعك أخ ولا صديق الكل بيسعى طول الطريق هو كان نجاحهم ..... هينقص منك أو يزيد..... كله بيأخذ بنفس الميزان والميزان حقيقى حساس ودقيق كله مكتمل الضلوع والرزق بأيد القدير مدفوع عند الرب حقيقى كتير إللى بيجتهد بيأخذ أجرته بخير وفير وخير الرب علينا بيفيض للى بيتمنى الخير لغيره وكمان بيشكر على إللى فى أيده وإللى بيجتهد ونظره بس على سيده قوم يلا يا مهموم خليك إيجابى وعيش فى المضمون الخير عنده كثير قوم اعمل اللى عليك افرح بصنعة أيديك لا تنظر على حاجة ابدا مش ليك خذها نصيحة ** أتمنى الخير للغير هتلقاه جه لك بيطير واسعى من غير تفكير قدم يلا حب كثير صدقنى هتشبع من كثر الخير