أحمد الغرباوى يكتب: حــــبّ تانى!

وجاى تقول: إنسانى..؟ عايزة تنسينى علشان عايزانى واللا فيه واحد تانى..! ماتقوليش.. لأ دا حبّى اللى على شفايفك كان تسبيح و أمانى..! أبداً..! ماتكدبيش..؟ دا الدمع اللى فِ عينيكى كان من حرمانى..! والنهاردة جايّة تقولى : إنسانى..! إمسح من قلبك إسمى..؟ وإبعد رسايلك عن عنوانى..؟ كل دا علشان عايزانى واللا فيه واحد تانى..! وعلشانه خلاص سايبانى..! ،،،،،، دا قلبى اللى حبك هوّا اللى جانى..

يعاتبنى على كل دمعة بكــت رحيلك من زمانى..! ويلومنى على كل لحظة ألم..! على كل لحظة وجع..! سببتهالى..! ،،،،، يا ما قال لى ما أدّيش روحى اللى شايله حبك لقلب أنانى..؟ ماصدقتوش..! وإديتك كل حاجة روحى وقلبى وعقلى ولى ماسيبتش غير حبك فى جنانى..! دى روحك اللى حاضنة روحى..

وقلبى اللى مضفّر بــ قلبى..

نغمة واحدة فى ألحانى..! وجاى النهاردة تقولى: إنسانى..! علشان عايزانى..! عايزة تنسينى خلاص سايبانى..! واللا أكيد فيه واحد.. حدّ تانى..! ،،،،، يا حبيبى..

قلبى عمره ما كان أنانى..! لابيغدر.. ولابيخون ولاظلم فى حبّه..

ولا فى يوم كان ولا ح يكون جانى..! قلبك كان مغمّى عينيّا مش شايف فيه التانى..! فاكر حبّى وحده هوّا الأخير.. و الأوّلانى..! ،،،،، أنا..

أنا اللى بقولك النهاردة إنسانى..! عمرك ما تلاقى قدّ ولازىّ حبّى تانى..! وخلاص.. خلاص ماعادش فى قلبى روحك تسجنّى..؟ ولا حبك.. ولاحبك سجّانى..! وتحمر الشمس فى غروب حبى رايحة تنام فِ زرقة بحرى ويصحى بدرى للحرية يغنى موجى فى حبّ تانى..! ،،،،، وجاى تقولى إنسانى..! عايزة تنسينى علشان عايزانى..؟ لأ.. ياحبيبى أنا النهاردة اللى بقولك : خلاص.. مش عايزك روح ومسامحك..؟ بسّ..إنسانى..؟ روح.. و إنسانى..؟ إنسانى..؟ ******