بستناكى يا حبيبتى ياما زى هلال العيد
تاخدينى لأحلى ضمة والقلب يسلم قبل الإيد
مشتاقة كتير. مشتاقة
نقرب ونتلاقى
وشموع الفرح من تانى تقيد
تعالى يالله قوام
أبوس الأيادى والأقدام
وأنا وعيونى نسهر خدام
لو قلبك يبقى سعيد
ويكفينى من الدنيا رضاكى
ويطربنى أسمع دعاكى
أنا مهما أقول يا ملاكى
أنتِ غنوة فى أحلى نشيد
قربينى مدى وسلمى
سامعاكى من غير ما تتكلمى
ياهنايا لو تتبسمى
ويا سعدى بكل تأكيد
ده مش كلام دى حقايق
يا بحر صافى ورايق
لو تبعدى حتى دقايق
شوقى يكبر ويزيد
يا رب متحرمنيش منها
دى روحى وأنا منها
وبزيارة حبيبك منها
ده منايا وأملى الوحيد