ليه ياغربة بتوحشينى !
رغم عذاب سنينى
بعدتينى واخدتينى
ولسة برضه بتوحشينى
الحبايب هناك بعيد
وأنا هنا عنهم بعيد
وأنتى مش بتقربينى
مهما شفتى دموع ف عينى
وبتضحكى لما تلاقينى
وكأنك كدة بتفرحينى
فرحانة فية ولا زعلانة علية
إحترت فيكى واحترتى فية
وأنا العصفور اللى بيلف ويدور
طاير سواح بين الظلام والنور
تهت فى سماكى
ياغربة مين قساكى
نفسى بقى أرسى
وأعرف لحياتى مرسى
وأكسر بإيدى الحواجز
اللى فاصلة بينك وبينى