وائل عبد الودود حسين يكتب: سلامات على الذكريات

سلامات على أحلى الذكريات والماضى اللى فات ذكريات محفورة فى قلوبنا مرسومة قصاد عيونا لا نقدر ننساها عشناها وعشقناها واخدنا الحنين ليها وأشواقنا ملهوفة عليها ومهما دارينا فيها لا يمكن نخفيها بندور على ضحكة فيها نفتكرها ونضحك عليها نغمض عينينا نسرح والروح بيها تفرح تاخدنا أحاسيسنا لأحلامنا تعدى فى ثوانى قدامنا والمشاعر قايده فينا لسه باينه فى عينينا حكاوينا فى كل مكان مرسومة على الحيطان سهم جوه قلب وأسامى مليها حب فى نفس الشارع مشينا على الأماكن عدينا نسمع سوا ضحكتنا حكينا فيها حكايتنا ندعى ونقول يا ريتنا ما نفارق بعض فى حياتنا حب من غير ثمن مهما يمر الزمن ذكريات لا يمكن تغيب مهما الشعر يشيب الظروف كتير تاخدنا وزحمة الحياة تشغلنا لكن القلوب متشعلقة بذكرى حلوة متعلقة وكل ما نرجع بالذكريات ونفتكر ماضى فات يبقى نور الحب قايد لسه موجود وسايد ناس علمت فى قلوبنا سابوا ذكرى فى حياتنا والذكرى الحلوة بلا نسيان محفورة فى سطور الزمان