وائل عبد الودود حسين يكتب: نقطة ومن أول السطر

نقطة ومن أول السطر لسه ما فات القطر لسه الطريق طويل أبداً مفيش مستحيل ممكن يعطل اوقات ممكن يقف بالساعات بس الاكيد له ميعاد ولو اخذنا فى سكة بعاد بيعدى على محطات وكل محطة فيها حكايات قصص كثيرة وروايات ساعات تعدى فى سكات وساعات دوشة وأصوات وكل لحظة فيها ذكريات أفراح وأحزان فيهم اهات والقطر مكمل بيعدى وبسرعة ماشى ولا يهدى وكل واحد مستنى محطته ماشى فى طريقه وسكته نقابل ونشوف ناس بشر وناس تانية مش بشر ممكن ننزل محطة بالغلط نشيل فيها الزلط ويمكن نذوق الشهد تبقى احلى عهد ولو اتكتب علينا المر مش بأيدينا الا الصبر وإذا تهنا فى المشوار ما عرفنا عنوان الدار وجوانا لسه صغار راح نوصل أخر المشوار وطول ما لسه فينا الروح مكان ما الروح تروح يبقى نقطة ومن اول السطر لسه ما فات القطر