نجلاء نعيم تكتب: أول صف

أنا كنت أول صف حفنة تراب بستنى من الموت النجاة متأهبة للحرب والدوس على دماغها محلمتش إني أكون وردة مصيرها القطف من حب جاب داغها ولا يوم حلمت أكون لبانة طعم الحزن ..بتسم نداغها بس اشتهيت اتخلق وحلمت بالتكوين أول نزول ليا سبت اللي كانوا هناك ف الفلك متشابكين وجريت لأول حلم يحدفني ع الجنة مرت يدوب ثانية وسمعت روح صرخت بتحذر الباقيين حفنة تراب هربت..شوفوها رايحة لمين سدوا الطريق عني ..حراس لابوابها ممنوع تكون مني ولا أعدي لترابها حدفوني من أعلى ورموني للخدمة روحي اللي كت طالعة رجعت ب ١٠٠ كدمة لحظة ميلادي بكيت ..يمكن من الصدمة للأرض ليه أنا جيت ..وكمان بني آدمة قالوا هتعترضي؟! أنا قلت لأ ..حاشا وضحكت مضطرة..والدمعة منحاشة يارب مش بعترض على حكمتك فى الخلق ما انا عارفة إني تراب ومأمنة انك حق هو التراب يعني مصيره ايه غير شق حفنة تراب منبوذ بك أستجير واعوذ من حزن يكسرني..من ليل ف هيئة صبح من دنيا تخسرني وأشوفها عين الربح من قلب متحجر ..من فرح ينسانا يارب قدرني ..وأعيشها إنسانة