ولقيتنى سايب حته منى فى قلبها
غير الكلام... وكام هديه تقولها
إن الحبايب ... ذى أيام الخريف
يومين تمطر لوم.. ويوم أشتقلها
وعرفت إنى مهما طولت البعاد
لازم فى يوم أصفى ويوم أرجعلها
ولحد أمتى نتوه ونفضل فى العناد
هى الحكاية مقدره من شكلها
وخيال غريب مجروح بيرسم عالحيطان
معنى الحقيقه فى رسمها وفى ظلها
ذى الهوى ما يتوه ويرجع ع الخيال
راجع بكل الشوق بيوصف حبها
ولقيتنى شايل شنطتى بين الظروف
أحمال تهد الحيل و أه من حملها
لكن عشان ما يكون طريقى فى سكته
هارسم نهايته جوه سكه تروحلها
وأرجع وأرجَّع كل أيام الخريف
قبل الشتا ما يطول حياتنا كلها
وإن كان على اللوم وساكن بالحروف
هاكتب بحبك أحلى كلمه تبوح لها
وأرجع طريقى ذى أيام الحنين
فايت شجونى وحته منى قبلها
وأكتب نهايتًى عند أمطار الشتا
يمكن أدوب فى قلب قطره تدلها