د. صبرى إسماعيل يكتب: حبيبتى يا أمّى

يِهون العمر يا أمّى، ولا تهونى تهون الصرخة فى صدرى وأنت برضه ماتهونى وجوّه الحِلم بالقاكى أمل بكرة وجِوّة القلب ما انساكى ولو ذكرى واسمع كِلمتك أسرح وهمسة لمستك تِفرح ياساكنة جوة فى دمّى وشريانى واسمك كان سبب سعدى فى بستانى سعادة أكبر من الدنيا من الأحلام وأنا طاير ولاعصفور على صدرك حبيبتى أنام **** ولا يساعنى جميع الكون إذا عنِّك فى يوم قدرى يفرقنّى وأصير فى الدنيا ك المجنون إذا مِنِّك فى يوم قاسى ب يسرقنى وليه أبعد! مادام الحب عنديكى وليه أرحل! مادام الجنة فى شرعى مِرابطة تحت رجليكى ياست الكلّ يا أُمّى ياشايلة همِّنا وهمّى دامهما الدنيا تِبعدنى هاعود لدفاكى يا أمّى هاعود لدفاكى يا أمّى