آمال هريدى تكتب: بتوحشينى وأنت جنبى

بتوحشينى وانت جنبى... بتوحشينى وانت بعيد... من غيرك يا أمى ببقى ف وسط الناس وحيد.... ياما تعبتى وياما سهرتى.... كنتى ليا الدوا الشافى كنتى ليا طبيب... يا أمى يا حته من قلبى... مين غيرك منه قريب.... يا نبع الحنان والطيبه.... ف حضنك بنسى آلامى... يا امى يا أغلى حبيبه... بتزرعى الأمل قدامى... دعواتك بتحمينى... صوتك لوحده بيطمنى... ضمينى وف حضنك خبينى... يا أمى يا حته منى.... من صغرى بتخافى عليا.... من قبل ما اتكلم حاسه اللى بيا... ولما كبرت لسه بتخافى... ما انتى طول عمرك دوايا الشافى... متزعليش لو زعلتك ف يوم.... متزعليش يا ست الحبايب.... ما انتى طول عمرك شياله هموم... والله ف التراب اللى بتمشى عليه أنا دايب.... يا سر السعاده والبسمه... الحياه من غيرك ولا تسوى.... بحبك يا امى وحبك مالى عليا دنيتى.. بحبك يا أمى يا مصدر هنايا وفرحتى..