راضى على الطهطاوى يكتب: صرخة يتيم

طفل بيصرخ وحده يتيــــم عيشتى مرار بطعم أليـــــم نفسى ألاقى صدر حنـــــان نفسى ألاقى قلب رحيــــــم ** نايم صاحى بجوع موجوع صبح وليل على خدى دموع بعد أبويا وأمى ما ماتــــــــوا ضلمة الدنيا ما فيها شموع ** عايز إيد تساعدنى أقــــــوم عريان عايز دفا وهـــــدوم لمَّا سقيع البرد بيجـــــــــى أبكى يا ريت الحــــــر يدوم ** أغلى الناس ماتوا وسابونى وبقيت من كل أمان محروم أنا محتاج لنظرة عطـــــــف من إنسان يشاركنى هموم *** كان الأمل معاى ممـــــــــتد راح الحلم حقيقى اتـــــهد وكل مابرجع أحلم تانــــــى ألاقى طريق الحلم اتســــد ماتوا أغلى حبايبى ياناس وملانى الحزن حقيقى بجد **** تايه جوا الدنيا الزحمة وساعات يصبح بيتنا رصيـف محتار أنا مش لاقى نصيحة وساعات يامه أستنى رغيــــف كنت بروح مدرستى وشاطر واخد البوسة وطالع فاطـر بعد الحضن الدافى ما مــات قلبى جريح مكسور الخاطر ** ليه الكل سايبنى وناسـى حتى اللفظ علينا دا قاســــــى أيوه يتيم وشىء مش ذنبــى كل الدنيا شايفها مآســـــى ** عصفور ماشى بجرح حزين يبكى ماحد سامع له أنين ماشى بيشكى من الحرمان نفسى ألاقى قلب حنيـــن ** ماشى فى دنيا لوحدى شريد وكل ما بكبر همى يزيــــــد بعد أبويا وأمى ما ماتــــــوا كل الناس قلوبها حديــــــد محتاج رحمة حقيقى يا ناس أنامش عايز حفلة وعيـــد عايز حد يا ناس يرعانى أبقى زى أصحابى سعيـــد