سوزان بدوى تكتب: عندليب الحلوات

مرت أول أمس ذكرى مبدع من مبدعينا فى مجال الغناء فتى النيل الأسمر عبد الحليم حافظ، ومن خلال نسيج فنى ويسعدنى أن أقدم لعشاق فنه نوعا من الأرشفة أو التوثيق لروائع أعماله فأقول: عندليب الحلوات فتى أحلام كل البنات اللى الشحرورة قالت له علمنى الحب وعلمه لبنات اليوم ولكل البنات سألت عقلى فأصغى وقال لست أدرى نبتدى منين الحكاية من أول مرة تحب يا قلبى ولا اسبقنى يا قلبى ولا يا قلبى خبى كان بيصافينا لما نحتاج لصحبته ويجافينا لما تتعب صحته يطيب ويرجع وتعود ليالى الحب مع ضحك ولعب وجد وحب نعيش وياه أيامنا الحلوة بأمر الهوى وبأمر الحب حكاية حب ولا عادشى حد نقول له يا خلى القلب علشان كلنا جانا الهوا ولما القلب بالحب انكوى النجمة مالت عالقمر غنت له لحن الوفا قالت له أهواك وحلفنى قال الهوا هوايا نلف البلاد يا صبية على قد الشوق اللى بيا م الدلتا لحد النوبة ولاقولشى فى حبك توبة يا مالكا قلبى ما تقولشى حاول تفتكرنى لو كنت يوم أنساك إيه افتكر تانى ولا يوم من عمرى نسيتك كان دايماً بينا لقاء لكن وزى الهوا فى يوم من الأيام فى يوم فى شهر فى سنة كان الفتى موعود فجاءته قارئة الفنجان وأنبأت حبيبها بما كان فعدى النهار وخفت ضى القناديل وخلت وسادة الجميل فخرج الناس يرددون خسارة وراح الأسمرانى السواح فأرسل إليهم جواب ورسالة من تحت التراب يواسى من بكاه بأى دمعة حزن لا فتغنوا إحنا الشعب الله يا بلدنا لما نحب كلنا كده عايزين صورة نحيى بيها ذكريات عندليب الحلوات فتى أحلام كل البنات