الملايكة أحتاروا فيها ،فى طيبتها وتفانيها
واهبة روحها وحياتها لينا ،الله يا قلبى الله عليها
مهما أوصف ومهما أقول ،الكلام عنها يَطول
الجميلة بنت الأصول ،حياتنا حلوة بس بيها
على طول مادة إيديها ،ناسية روحها وفرداها لينا
الله يا ناس الله عليها لما نزعل وتواسينا
النية مع الكل صافية ،أحاسيسها جميلة ودافية
النظرة فى عينيها كافية ،تداوى حاجات كتير
الطيبة مزروعة فيها وحياتنا حلوة بيها
الله يا ناس عليها تستاهل كل خير
تحويشة عُمرى وبنتى ،أمى ووطنى ومدينتي
روحى ودمى وحبيبتى ،حياتى وحاجات كتير
يارب احفظها لينا ،دى حياتنا و نور عينينا
هواها اللى بيحيينا وحياتنا حلوة بيها
كل سنة وأنتى حبيبتى ،يا روحى وأمى وبنتي
قلبى مالوش غيرك أنتى ،يا أم القلب الحنون
يارب يخليكى لينا ،يا أجمل ملاك فى الكون