القارئة نجلاء نعيم تكتب: درج الليل

فتحت درج الليل شديت شريط أحلام وبلعت حبيتين م الذكرى قبل ما انام هزت إيديك كتفى ف الحلم واتبسمت وطبطبت روحك على روحى فاتقسمت شرب الدفا كفى من لمسة لكفوفك واتكحلت عينى من فرحتى بشوفك.. ومليت خزاينها دقة تفاصيلك أنا اللى كنت ف يوم شبهك وتفصيلك قلبى اللى كان مركب مخلوق لتوصيلك لكل بر تريد .. بعتلك روحى طابع لكل بريد ما جتنى غير مرة ف الحلم يا قاسي اه يا عزيز العين ..ياللى انت تاج راسي اكتب واقولك ايه؟! خلصت فيك قولي..وتعبت بيك الغير ان كان بعاد قلبى عنك ده هو الخير خد من ضلوعى جناح .. عدى جراحى وطير