القارئ محمد مجدى مصطفى يكتب: لسه الحياة ما خلصتش

غريب قوي كميه الناس الي الواحد بيشوفها بتنهي حياتها و تحكم علي نفسها بالموت عشان لحظه فشل مروا بيها او عشان فارقو حد ارتبطو بيه او عشان سابو وظيفه كانو بانين امل عليها جامد او عشان او عشان او عشان .. ايا كان السبب هو ايه !! لكن الي يشد الانتباه في الموضوع دا ان نهايه الحياه الي بيوصلولها الناس دي سببها الرئيسي هو الخوف . الخوف من المحاولة مره تانية و الفشل مره تانيه ! الخوف من تغيير الفكر نفسه والخروج من دايره كانت بالنسبالهم هي دايره مكتمله و لكن اكتشفو في لحظه ما انها دايره فاشله .. الخوف من تغيير نمط الحياه لشكل تاني ممكن ما يكونش افضل في المستقبل و دا من وجهه نظرهم المحدوده .. و لكن انا اكتشفت ان اصلا كل الخوف دا الي بيسيطر علي كل الناس دي هو خوف مستعمل خطأ ايوة ذي ما بقول خوف بشكل خطأ . معظم الناس فعلا بقت بتخاف غلط فبتتصرف غلط فبتفشل وبتنهي حياتها بشكل سريع جدا . أولا الخوف ليه حالات لازم يستخدم فيها لكي يكون خوف صحي .. ومن وجهه نظري الخوف الوحيد الصحي هو الخوف من غضب ربنا علي العبد و الخوف علي عدم رضاء و بر والديك و اهلك .. بعد كده الخوف من اي حاجه هو خوف غلط و عواقبه كلها مشاكل كبيره .. يعني الخوف من تكرار المحاوله في الدراسه او الشغل او الزواج او الارتباط او السفر او او او هو خوف خطأ و خوف فاشل وخوف بينهي حياتك قدام عنيك بمنتهي السرعه و بدون اي مبررات منطقيه. انت اصلا طول ما فيك نفس داخل و خارج فخليك علي يقين ان الحياه لسه ما خلصتش و ان مع كل نفس داخل و خارج عندك فرصه صافيه بدون شوائب علي طبق من ذهب ذي ما بيقولو. والفرص دي كتير قوي ذي فرصه ترضي ربنا. فرصه تتوب فرصه تشغل شغل افضل فرصه تحب فرصه تسافر فرصه ترضي اهلك الملخص من الموضوع انك ما تخفش ما تستسلمش طول ما في نفس داخل خارج فيك فانت قدامك فرص كتير .. و خليك فاكر دايما ان الحياه لسه ما خلصتش.