القارئة آمال هريدى تكتب: أنا مين

أنا مين... أنا اللى ضحيت عشان بلدى تعيش... ضحيت وقولت انا من غيرها والله مسويش... أنا الجندى المصرى الشجاع... اللى عاشق تراب مصر... أنا الجدع اللى عمره ما باع... دايما شارى وعلى ايدى هيتحقق النصر... لسه معرفتوش انا مين... أنا اللى مش بخاف ... وكل البلاد سامعين... الجندى المصرى صامد مهما من الدنيا شاف.. مش فارق معاه الموت... بلده عنده هى الأهم... وبيصرخ بأعلى صوت.... وهو غرقان بالدم.. بيقولك متخفيش.. أنا روحت بس غيرى هيكمل... اسمى جوه منك هيعيش... وعارف إنك صابره وانى بلدى على فراقى هتتحمل.... أمانه عليكى متبكيش فى يوم... ولو كنت قصرت معاكى سمحينى... طول عمرك شياله هموم... طول عمرك فى حضنك بتضمينى... لسه معرفتوش أنا مين... أنا الشهيد ابن البلد... أنا المصرى اللى الدنيا بتضربله تعظيم سلام.... أنا اللى فى أرضها اتولد... أموت فداها عشان تفضل الحره بلد الأمان