أحمد الغرباوى يكتب: إنتّ حبيبى والناس وكلّ حاجّة!

بتقولى مش فاهمة حاجّة..! طيّب ما إنتّ ياعُمرى كلّ حاجّة..! إيه اللى ممكن يتقال طــيّب ما إنتَ فِ شعرى كلّ قِوالة..! قلبى مملكة حبّ طــيّب ما إنتَ فِ عسلى الملكة و الشغّالة..! عايزه أشاور على إيه طــيّب ما إنتَ فِ دروب روحى رايحة جايّة بدون إشارة..! والروح من أمر ربّى غصب عنى شايله عشقى ومش عارف لفين رحّالة..! ح تعدّى قلبى وتفردى أسود واللا أتقل سِتارة..! واللا لسّه مستنيّة فِ صدق حبّى إمارة..! منّى خايف..؟ واللا إنتَ..؟ واللا ناس.. واللا حبّ طيّب ما إنتَ حبيبى وكلّ الناس وفِ الحبّ كلّ أسراره..! حقيقى حبيبى إنتَ مش فاهم حاجّة..؟ طيّب ما إنتّ فى حياتى كلّ حاجّة..! فى حياتى كلّ حاجة..!