القارئ إبراهيم العطار‎ يكتب: مالناش نصيب صدقينى‎

مالناش نصيب صدقينى مش هكدب عليكى كان نفسى الحلم يحلم كان نفسى الحلم يحمل كان نفسى الحلم يكمل ويخلف ويجيب مكمل لأنى ما حلمتش بزيـه، أو حته شبهه لكن صدقينى .. الخساره ف الحرب مش دايماً هروب ما هو لو اتكاتروا عليك ها تعمل إيه، هايبقى آخرك يادوب ! ويا تخسر ثباتك وتمشى يا إما تخسر حياتك صدقينى صعب سؤالك يبقى ليه لما إجابته تدوس عليه؟ صدقينى انا كنت بفرح ان الحياه بقى فيها إنتى وكنت بتدفى بكلامك وكان كفايه يكون مدينتى لكن بتقف الظروف بينك وبينى زى أى حلم إنتى حلمتيه ف حياتك واتوقف زى أى طريق بنيتيه لكنه رافض يترصف صعب الحياه الى معيشانا بدل ما اشتكيلها تشتكينى مالناش نصيب صدقينى