انشر فكرة القراءة والأدب ويبقى فيه ناس بتكتب، بحيث إن الموضوع ينتشر، يعنى انا مش مجرد إن انا عايز اكتب و خلاص، ولا فكرة إن انا اسرد قصص او ادب او فكرة لا الموضوع كمان بيشغلنى من ناحية إن انا عايز موضوع ينتشر ويبقى فيه ثقافة الأدب، والناس تحب القراءة و تحب الأدب، و تحب الحاجات دى كلها، بحيث الموضوع ما يبقاش بس على التلفزيون، و المواقع السوشيال الميديا، فاهم قصدي.
وكمان يعنى انا زمان الفترة دى كنت بحاول بقدر الإمكان إن انشر الفكر ده والكتابة و القراءة و كنت بواجه مشاكل فى المواضيع دى لان الناس اهتماتها كانت بعيدة عن المواضيع يعنى كلوا بيحب الموسيقى وعايز يخرج وعايزين يصوروا و مش عارف مكانش فيه اهتمام كبير على فكرة إن الناس تهتم بالقراءة، لان بيفيد العقل و بيفيد الفكر و اللغة و الثقافة، إن كل واحد عندوا ثقافة، يقدر يعبر بيها عن نفسوا.
الكتابة بتخلينى أخرج طاقة سلبية، و بتخلينى أشعر بذاتي، و كمان حابب إن الكتابة تبقى عبارة عن نقاش او حديث ما بين شخص وشخص، أو فكرة جت فى وقتها، والواحد يبدأ يكتب عنها، و الناس وقتها كانت بتمثل إن هى بتقرأ، كانوا الشباب و البنات، كانوا مهتمين إن هما بيقروا و كدة، لكن ده مش حقيقي، هما بيحاولوا يمثلوا او شخاص مهتمين بالقراءة، و إن هما مثقفين و بيصوروا صور مع كتب و إن هما يصوروا صور لما يشتروا كتب ولا حاجة.
فحاجات دى كلها كانت بيحاولوا يظهروا قدام الناس بإنهم بيقروا و مثقفين لكن حقيقة، مكانتش كدة.