القارئ رضا عبد العزيز محمد يكتب: جندى مقاتل

سامحينى ياامه ياأعظم،،،، ست أنا فى سينا شهر صوتك ماسمعت شهر ايدك مابوست غصب عنى سامحينى ياأمى حتى الأجازه مانزلت أهوكنت فيها باشوفك باحلى ودانى بصوتك امسحى ياغاليه دموعك بكره أنزل واحضنك وابوسك واعاكسك واعاندك وضحكتك ولقمتك اقاسمك ونتصور سوا،، صوره وانشرها وتلف النت ماتخافيش أبدا عليا أناهنا ميه ميه باكل باشرب بانام صحتى حلوه تمام كلام فى سرك كلام يسرك ياام حسام منهم عشره قتلت وقدهم مرتين جرحت القائد بتاعى الرائد رفاعى مسك دراعى وقال لى الله على همتك شجاعتك وقوتك تسلم وتسلم البطن اللى شالتك افتكرتك وفرحت أستحلفك بحياتى إدعيلى أنا وزملاتى كل صلا وكل وقت واوعى تنسى ياامه اللى مانسينا عمره واظبى على زيارته قولى له يهدا فى قبره وبلغيه منى السلام قولى له ابنك البكرى حسام زيك ياحصول هشام نفس الشهامه العزه والكرامه نفس رجولتك وطبعك وانتى بتحاكيه عرفيه فرحيه قولى له حسام جاب حقك أما انتى يا أطيب ناس الأرض إوعى قلبك علينا يتخض هانبيدهم هانشيلهم من على وش الأرض حماية سينا صحرا مدينه وكل شبرمن أرض مصر حق علينا وأنبل وأشرف فرض ماتخافيش ماتقلقيش ابنك راجل من ضهر راجل جندى مقاتل فى أعظم جيش جندى مقاتل فى أعظم جيش