القارئ ابراهيم العطار‎ يكتب : "أحمد .. حنا"

حبه حراميا .. اتكاتروا عليا من كام يوم ،، ماكنتش عارف اعمل ايه ،، كنت حاسس ان اليوم ده اخر يوم ليـا ، حاولت اهرب لكن ماعرفتش من كترتهم لفوا عليـا ،، والوقت كان متأخر والشارع كان ساكت ، والنور مش متشغل، والناس كانت نامت ماكنش ساعتها في ناس ف الشارع ، كنا ساعه صلا ، كنا الفجريا لقيتهم بيقربولي بيخوفوني بيقولولي ، طلع كل الى معاك ، وانا لو قاومت هخسر ، ، وبرده مش هقدر، اطلع اللي معايا ، وفكره اني استسلم لأ مش هاعرف وف الحالتين الخساره جايه جايا لقيت واحد مايعرفنيش ولا يعرفهم ، دخل بسئلهم وبيستفهم ، ايه الحكايه ؟ قالولوا لو كتـرت مش هاتلوم غير نفسك ، ولو طولت يبقي انت الجاني علي نفسك، لقيته شد معاهم ، ومن هنا ابتدت الروايه بييجي عليك ساعات بيبقي نفسك تقاوم ، لكن الكتره هتغلب الشجاعه لكن لما تلاقي ان ليك ضهر ، بيبان قوتك .. لكن لما تبقي لواحدك وحدتك تغلبك اهو وقت ما حسيت ان في ضهر بسندني ، قولت ف بالي هو ده الى انا كنت مستنيه قولت دلوقتي لو كان الطريق ده مستحيل اخرج منه ، فدلوقتي مستحيل انتوا الى تخرجوا من عليه وقومناهم بوحدتنا ، ووحدتنا قسمتهم احنا اتصابنـا .. لكن قوتنـا ضعفتهم.. اتجرحنا .. لكن انتصرنا علي كترتهم .. قالولنا الرحمه ،، وبقوا بينادوا بأعلي صوتهم ، حد يلحقهم انا أحمد .. هو كان حنـا .. ووقت صلاه الناس ف الفجريا .. وقت مالقيت حنا دافع عني من غير ما يعرف انا ابقي مين ، من أي دين ؟ لو ماكنش موجود .. ماكنش بقي ليا صوت وبقينا ايد واحده ، واتعاهدنا نكون ع الحلوه والمره حنا اداني نخله وقالي ازرعها ف وسط الصحرا علشان بلدنا تكبر تتعمـر .. قالي خد بالك هايوقعوا بيننـا .. وعمر ديننا ودينكوا كان بيحرر .. وفعلاً اول ما بدئت ، لقيت كلام من تحت لتحت .. قالولي النخله لو اتزرعت وسط الصحرا مش هاتعيش بلاش تزرعها قولت الرزق طالما هايصيبها يبقي مافيش شيئ يمنعها لو الأرض قالت يوم مش هارويها ، السما هاتقوم وهاترزقهـا لو المايه ماجتش ف يوم من تحتيها يبقي أكيد هاتيجي من فوقهـا والصحرا اتعمرت ، وبلدنا اتطورت ، لو ماكنش اداني النخله ، كانوا الى عاوزنها صحرا واقفين حالنا ولو ماكنتش زرعت النخله ، ماكنش الخير طالنا وجالنا .. وطول ما ايدينا دايماً واحده طول ما بلدنـا هتفضل جنا..