القارئ محمد عبدالله طاهر يكتب: خايفة

حاجات كتير بتدور فى عقلى، قلقانى منك مش عارفة ليه ليلاتى بأسهر فيها أفكر، واسأل نفسى أخرتها إيه فى حاجة وقفة بينك وبينى وحتى قلبى كمان حاسسها وكل مرة بكدب عينى وأنت ترجع تأكدها خايفة أسمع منك كلمة، توجع قلبى وتجرحهولي خايفة عليه أوى من الصدمة، خايفة عمايلك تكسرهولى ده لو اخترت ما بين الوحدة وبين تعذيبك ممكن أرضى إنى أديلك مليون فرصة، يمكن نهدى ويمكن نصفى صعب حبيبى أعيش من غيرك، ده أنت الضحكة وأنت الفرحة أوعى تفكر يوم تقتلها، تمَوت فيها وتضيعها فكر يا حبيبى كويس، قبل ما تاخد أى قرار واسأل قلبك إن كان يرضى، يرمى قلبى فى قلب النار قوله يفكر فى اللى مابيننا، ده اللى مابيننا حب كبير إزاى بس جراح تألمنا، وإحنا عشمنا فى بعض كبير صعب حبيبى نهد حياتنا، ده إحنا عشقنا ودوبنا غرام إزاى نختار بإيدنا فراقنا، ده حتى فُرقنا ده يبقى حرام.