ضحك الزمان على الاصيل ومده
لما فرش شال الطيبه ومده
والندل من خيره بياكل وينكر
والاصيل كفه بالخير ما رده
أصل الطحين الزين يبان من رده
ولوع الخسيس يبان من رده
وكل شئ بين الخلايق بمعيار
واللى فتح باب واجب عليه رده
ولو مال الزمان وقصر للحر يده
وسأل فيوم اللى خيره عليهم وكده
ردو ايديه وكانو للجميل ناكرين
أصل زى ما فى خير فيه ضده
دنيا وفيها الزين واشكال رديه
أوعى تغرك فيوم نفخت الجلابيه
ده الصاحب الجد وقت الجد تلاقاه
الكتف بالكتف وعينه باحوالك جليه