القارئ إبراهيم العطار‎ يكتب: مستنى كلمه من بعيد تقولى الحقيقه

مستنى كلمه من بعيد تحسسنى فيها ان الحكايه اللى انتهت ناقصه الحقيقه انا لسه حاسس اللى بينا صعب يمشى انا قلبى كل ما بمنعه بيروح لبيتك مستنى كلمه من بعيد تزورنى بيها كل اما ركز بين عينيك بلاقينى فيها مش عاوز أصدق إنك أنت اللى واجعنى ولا عاوز أفهم غير إن صورتك ناقصه حضنى مستنى كلمه تشاورلى بيها بأى طريقه إن اللى قولته بجرح فيا كدبا مداريها وإن اللى بينا كان بجد ف كل حاجه أنا لسا صورتك بين إيديا من يوميها مستنى كلمه من بعيد تحكيلى فيها إن الكلام اللى ف عينيك كان حقيقا واللى قولته ضدى زمان مالوش ملامح وقولته بس عشان مايبانش انك ف ضيقه مستنى كلمه لو حتى بينا مافيش رجوع بس أحس إنك حقيقى ف كل قُول وإن اللى بينا ماكنش وهم وراح وطار وإن حبك عمره ما كان كدب وسقيته مستنى كلمه من بعيد تقولى الحقيقه