وائل عبد الودود حسين يكتب: هو ده الكلام

مش كل قطار يفوت تبكى وتتحسر عليه ممكن تستنى شوية أفضل ما تركب فيه يمكن مش هو طريقك اللى راسم حلمك فيه ساعتها لا تقدر ترجع وتعود بالزمن للى كنت عليه ناس تطلع وناس تنزل والانتظار صعب والقطر يعدى ورا التانى وأنت جواك فيه رعب ناس كثيرة تبص عليك نظراتهم ليك عادية بس الخوف اللى جواك وتعاطف الناس معاك خلاك تحس أنها مش عادية الليل قرب وأنت خايف تركب خايف تعيش وحيد وتكون مش سعيد تستنى شوية كمان ولا يعدى آخر قطار ويفوت الأوان صراع بين أقوى طرفين القلب وطموح الشباب العقل والخوف له ألف باب وكل شىء عندك بحساب صراع مش سهل مش قلة علام وجهل لحظة شك تمر بيها ولا عارف حل ليها ممكن تركب وتفرح وبعد ما تركب ما تلاقى لك مطرح ولا بعد ما تركب تنزل فى محطة مش ليك بعدها ممكن تتسوح مش مهم تركب أى قطار والسلام المهم يكون قطارك وهو ده الكلام