يا بلدنا يا عظيمة
كل أولادك جنود
اللي واقف في العيادة
واللي واقف ع الحدود
واللي بينضف ف شارع
واللي بيصلح عمود
واللي واقفين ف المخابز
اللي عاجن واللي خابز
شعبنا يا مصر جاهز
لجل ما مجدك يعود
واللي قاعد جوا بيته
يحمي نفسه وأهل بيته
بردوا جندي م الجنود
واللي مقصر يا بلدي
بردوا ابنك
نفسي تاخديه
جوا حضنك
لجل ما رشده يعود
انتي يا مصر الكنانة
مهما عدينا بصعاب
ربنا دايما معانا
يا بلدنا يا عظيمة
كل أولادك جنود