القارئ وائل عبد الودود حسين يكتب: أنا من بلد الرجالة

أنت منين وتاريخك ومكانك فين ولو عشت سنين وسنين مش شايفك حتى بطرف العين أما أنا وأعوذ بالله من كلمة أنا أنا من البلد اللى فيها كل الجنسيات عيشين معززين مكرمين لا فيها مخيمات ولا فيها لاجئين أنا من البلد اللى وقفت ودافعت كبرت وساندت علمت وساعدت وفى الحق صمدت لا غدرت ولا خانت لا ضيعت ولا باعت لا ضل طريقها ولا تاهت لا فى أى ظلم فكرت ولا على أى عدوان قررت لا لأرض اغتصبت ولا للحقوق اتعدت أنا من البلد اللى مفتوحة للكل لأى حد يسعى فيها على شغل وأكل عيش من غير ذل مهما ‏كانت جنسيته أو ديانته ولا لون بشرته ومن غير كفيل معزز مكرم مش عويل أنا من البلد اللى حررت أرضها وحافظت على عرضها بدم ولادها ورجالها لا طلبت من حد يموت عشان يحارب ويحررها أنا من البلد اللى لا لجأت لحد برة حدودها وبالدهب مدفونين جدودها ما فيها حد غدر بأبوه وخدوا منه الكرسى ورموه أنا من البلد اللى فيها خزائن الأرض وخيرها يكفى كل الأرض وجيشها خير جنود الأرض وحماها واجب علينا وفرض أنا من البلد اللى شعبها كله جيش واللى يدوس لها على طرف ولا يمسها بكلمة ما يعيش وتعيش بين أهلها فى سلام زى ما قال حبيبنا الرسول عليه الصلاة والسلام فى رباط إلى يوم الدين يا رب احفظها واحميها أمين أنا من البلد اللى وطأ على أرضها أقدام الرسل والأنبياء إدريس وموسى وإسماعيل ابن إبراهيم أبو الأنبياء وكليم الله موسى وأخيه هارون اللى اتحدوا فساد فرعون اللى نصفت يوسف الصديق وآوت المسيح والعذراء مريم علماء ومفكرين وشعب عريق وكل اللى عاش فيها بيها متيم قوله أنا من ‎مصر بلد الرجالة فى كل عصر