نشطاء يسخرون من لاعبى بطولة القاهرة لكمال الأجسام: عايزين حقن لحمة

حالة من السخرية اجتاحت مواقع التواصل الاجتماعى، عقب تداول صور من بطولة القاهرة لكمال الأجسام، وظهور المشاركين بحالة ضعف جسدى لا يرثى لها ولا تناسب أجسام لاعبى كمال الأجسام.

وعلق أحد الرواد قائلا: "بدافع الواجب الإنسانى إحنا بنعلن عن حملة تبرعات لتغذية العيال دى، التبرعات غذائية فقط لن نقبل الأموال، أى حد معاه ورك فرخة ولا صدر بطة يسيبه لمستحقيه"، فيما قال أحمد نصار: "أنا بقول بدل ما يدهنوا زيت على جسمهم يوفروه يمكن حد يتبرع بكيلو بطاطس ولا حاجة".

وقال محمد أحمد: "أنا لحد دلوقتى مش شايف غير كمال، فين الأجسام بقى"، وقال آخر: "العيال دى عاوزه حقن لحمة ويتعموا محلول الجفاف 30 سنة، وبعد كده ربنا يكرمهم وندفنهم".