القارئ إبراهيم العطار‎ يكتب: القدر والمطر‎

لو نادولي أو قالولي ايه الى نفسك تحلمه ايه الى نفسك كنت يوم تتخيله كنت هرسم رسمة من ورد ومطر والمطر واقف بيستنى القدر واجي وارسم دايرة واحميها بشجر كنت هاكتب فيها هيـّا يا قدر هايقولولي تقصد ايه من جملتك والمطر ليه مش بيشتي في رسمتك كنت هحكي رزقي لسّا في السّما عمري ما اقدر اني احرك الشّتا بس أقدر كل يوم ازرع نوى جُوّا ارضي ليل نهار ويّا الهوي لازم اعرق ليل نهاري بصُحبتي وابقى صاحي وقت نومي ورقدتي حلمي هوا الي بَبني في قصته هوا خطي الى بحفر سكته ارضي لازم تبقى أجمل جنتي وردي يِحمَل من ايديا وصحتي لازم ازرع وابني ارضي مِيت بُني يوم ما تتعب ابقى جاهز بالدوا واما اخلص هقدر انده للقدر روحت جاهز قمت كاتب يا قدر ممكن اكتب واعد استنى القدر انه ييجي مش بايدي ومش ضرر ممكن أعرف ابني أرض بوردها واسعى تكبر كل يوم عن قبلها وافضل انده للقدر حرّ وشتا صبح ليل وفي كل يوم ضُهر ومِسا بس انادي غير كده مش سُلطتي لو ماجاش فلإنه خير ولفايدتي عمري ماقدر اني احرك يوم مَطر بس اقدر اني اتعب وانتَظَر لو قالولي ايه الى نفسك تحلمه ايه الى نفسك كنت يوم تتخيله كنت هرسم رسمة من ورد ومطر كنت هازرع وردي واستني القدر