القارئة نجلاء نعيم تكتب: مبقتش أهتم

كبرها يا عم مبقتش أهتم مش عارفة إن كان ده برود فعلا أو قلة دم وإلا إن كان إحساس ميت من كتر الهم مبقتش أهتم ولا أحس بلوعة ولا اتحسر ولا حتى بعاتب وبقصر بطلت ألم المتكسر ان شالله ما عن اهله اتلم ولا هزعل تاني ولا اتخانق مبقاش ف حياتي انا شىء فارق كلنا ف اخرنا هنتفارق لو ابن وأم ولا اضايق نفسي ولا هعيط ولا هلجأ للهامش اشخبط وهخلي اللي بيغلط يغلط كبرها يا عم