محمود مرغنى موسى يكتب: كراسى وأربع حيطان

بين الحيطان الأربعة فيه منضده مش مستديرة!! مربعة!!؟؟؟ فوقها الدفاتر والكتب ملت كتابتها أيادى ومطبعة أربع كراسى مصفوفين مستنظرين لحظة وصول الجالسين ولا حد عبر جمعنا ولا قال أمين وبقوا الكراسى مرصوصين وقعدت وحدى كالحزين اسرد هموم المظلومين فضلت اكتب والقلم دابت ضلوعه من الألم نزلت دموعه ع الورق تكتب سطور تحكى حكايات من زمن تحمل وجع تحمل الم بيت أتبنى بيت أنهدم شخص انسجن والتانى مات تحت التراب سكن اندفن !! سبحان من يحييه من بعد العدم يشكو لرب العالمين حال اليتامى المظلومين حال الثكالى المكلومين تدمى جروحهم من سنين تجرى دموعهم ع الجبين سبحان من جعل القلم يروى حكاوى من سنين !! من غير وجل من غير تسرع أو ندم وسواء إن كان الحضور فوق الكراسى مشرفين أو فى وجودهم أو عدم برضه ح تكتب يا قلم