جانا رمضان أهو جانا
هينور لنا دنيانا
يا شهر الخير والهنا
الفرح زاد جوانا
جانا رمضان والناس
بيبان فيها الإخلاص
الغنى ويّا الفقير
الله على دا إحساس
جانا رمضان كالعادة
شهر عمل وعبادة
الأجر بيبقى فيه
أضعاف أضعاف وزيادة
جانا رمضان والنور
فوانيسه زينة فى الدور
أطفال وحتى كبار
الكل فيه مسرور
جانا رمضان واللمة
والدعوة هتبقى عامة
وموائد الرحمن
موجودة فى كل مكان
مرحب يا رمضان
يا شهر القرآن
الكل فى انتظارك
يا رحمة للإنسان