توفيق ميخائيل يكتب: كل طلعة شمس

كل طلعة شمس والنور ينور حياتك وصوت اليمام والحمام والعصافير هديل وزقزقة من الشجر حواليك والخضرة فى الزرع والزهور والورود جمال طبيعى وبهحة للعين وريحة طيبة وبالسمع يناديك افرح من كل قلبك واملا بالأمل أوقاتك لما تكون مسرور غنى رتل سبح إلهك اللحظه لحظة فرح ما تضيعهاش من عمرك اقرح وفرح كل اللى حواليك وخلى كلامك طيب مملح بملح الحب والصدق يسمعه الغير ويقول يا سلام على السلام اللى فيك لكن إن كان القلب مجروح ومكسور ومحتاج للى يواسيك الجأ إلى الله فورا وصلى هو الوحيد اللى يقدر يعزيك