قارئة تشارك صحافة المواطن بمبادرة لون- ابتكر لتعليم الأطفال الرسم بالغربية

أرسلت القارئة علا عبد الحميد صقر، التى تبلغ من العمر 17 عاما من محافظة الغربية، عبر خدمة صحافة المواطن بانفراد، رسالة عن إطلاقها مبادرة "لون -ابتكر"، وذلك للاهتمام بالأطفال وتوعيتهم وتعليمهم مبادئ الرسم والتلوين، وأن الرسم ليس مجرد ممارسة هواية فى وقت فراغهم بل هو هواية مهمة جدا تساعد الطفل على التركيز. وقالت علا :"عندى موهبه الرسم من صغرى. بس بدأت أعرف أنه فن مهم جدا وانا فى الصف الثانى الاعدادى وبدأت اتعلم اساسيات البورتريه والحمد الله اخدت مركز على محافظه الغربيه سنه 2018 واتصعدت للتصفيه النهائيه في مسابقهtalent بالعربى كممثله لمحافظه الغربيه فى مجال الفنون التشكيلية واشتركت في معارض مهمه". أوضحت مؤسسة مبادرة لون-ابتكر: عملت مبادره وسميتها لون_إبتكر وبدأت ارسم رسومات كرتون اللى الاطفال بيحبوها من غير تلوين و جبت بونبونى وادوات رسم هتكون لطفل واحد منهم اللى رسم ولون افضل رسمه كنوع من أنواع التشجيع وكل التكاليف دى من مصروفى الخاص وانا طالبه ف ثانويه عامه ونزلت شوارع طنطا وبدأت ب حديقه الطفل علشان اوصل رسالتى بشكل أكبر واتكلمت مع أولياء أمور الاطفال وفهمتهم قد اية الرسم مهم وأنهم لازم يهتموا بمواهب أطفالهم ويكتشفوها بدرى إذا كانت رسم أو غيره من مواهب والاطفال اختاروا اكتر رسمه حبوها ووزعت عليهم بونبونى واستاذنتهم علشان اتصور معاهم وفيهم اللى وافق اللى موافقش وحقيقى مفرقش معايا غير فرحتهم وكنت مبسوطه جدا برغم المجهود وأنهم اول مره يشوفوا حاجه بالشكل دا والحمد الله كفايه ابتسامتهم ليا . كونت فريق عمل فى جميع المحافظات وان شاء الله هيتم تنفيذ المبادرة فى نصف اغسطس وانا متكفله بمصاريفها . ويدعو "انفراد" قراءه إلى إرسال مشاركتهم عبر خدمة "واتس آب" انفراد برقم 01280003799 رقم التليفون والرسائل النصية على فيس بوك على أن تُنْشَر الأخبار المُصَوَّرَة والفيديوهات باسم القُرّاء.