راضى على الطهطاوى يكتب: مسحراتى

مسحراتى أنا طول حياتى عاشق وهايم بوحِّد فى دايم واحمى فى عـِرضك وامشى فى أرضك والفلف وادُور مسحراتى وحافظ حيطانك صخورك وحجرك وريحة غيطانك بخورك وشجرك ومين اللى مخلص ومين اللى هجرك وحافظ دروبك و لحظة غروبك بغزل حروفى ليكى بدور مسحراتى وماشى أنا بتغندر بسافر وعافر وهاجر كتاجر وشاه بندر فنان وراسمك على صدرى خطوطك شطوطك خريفك وصيفك وريفك وبندر دا ثانيه بعيدك تساوى شهور مسحراتى وامشى ف شوارع واحضن بيوت بصبر وعزيمه نعدى نفوت عارف الملامح وقلبى مسامح وحافظ الوجوه ومين يا صبيه يعشق ترابك وفيكى يتوه ؟! مسحراتى أنا طول حياتى عاشق عيونك وربى يصونك وعمرى يا طاهرة ما أفكر أخونك أروح المطارح دا حبك وطارح فى قلبى بذور مسحراتى وماشى فى ليلك كله أمان يا كل الأمومه ونبع الحنان رمشك سحرنى وسحرك فريد وابنك يغنى بحبك نشيد دا انتى ياحلوه أميرة البحور مسحراتى وماشى بنادى جوا بلادى يارب يا هادى خلى المكسل يصحى يقوم اصحى يا سيد أنت وجلال ابنى وشيد ورزقك حلال وصلى لربك واسجد وصوم وانتى يا قاهره يا ظاهره يا طاهره شوفى أسودك حامية حدودك مسحوا دموعك قادوا شموعك وجرجس وأحمد بيبنوا الجسور مسحراتى ماشى بطبله بضرب برن عنتر يا عبله عاشق يحن ترابك سماكى نيلك هواكى وحَبه حبه يا حلوه يا شابه الله محبه شوفى نصيبك هلالك صليبك ولا عين تصيبك حلاوة شبابك بيفتح فى بابك يقرا كتابك يلاقى السماحه بتطرح زهور وقلبى اللى عشقك مزهزه بنور مسحراتى أنا طول حياتى ماشى فى أرضك بلفلف وادُور