دعاء طارق تكتب: أنت جاهز فعلا؟

كلنا مؤمنين بمقولة "كلنا هنموت.. طيب أنت جاهز تقف قدام ربنا وتجاوب عن أسئلته اللى هما "عنْ عُمُرِكَ فِيمَا أَفْنَيْتَ، وَعَنْ شَبَابِكَ فِيمَا أَبْلَيْتَ، وَعَنْ مَالِكَ: مِنْ أَيْنَ اكْتَسَبْتَ، وَفِيمَا أَنْفَقْتَ، وَمَا عَمِلْتَ فِيمَا عَلِمْتَ" شايف إنك جاهز ترد على الخمس أسئلة دول؟ أنا شايفة إن محدش فينا جاهز وناس كتير مننا لسانها هيقف للأسف، طيب جاهز لـحساب القبر؟ يحدث بالقبر بعد أن يوضع الإنسان فى القبر ويذهب عنه أهله وأصحابه ويسمع قرع نعالهم ولا يستطيع الحراك يأتى ملكان فيقعدانه فيقولان: "ما كنت تقول فى هذا الرجل محمد؟ فأما المؤمن فيقول: أشهد أنه عبد الله ورسوله، فيقال له: أنظر إلى مقعدك من النار أبدلك الله به مقعداً من الجنة، فيراهما جميعاً، وأما الكافر أو المنافق فيقول: لا أدرى كنت أقول ما يقول الناس فيه، فيقال لا دريت ولا تليت، ثم يضرب بمطرقة من حديد بين أذنيه فيصيح صيحة يسمعها من يليه إلا الثقلين"، أو كما قال رسول الله (رواه البخارى ومسلم). وفى حديث آخر عن أنس ين مالك مرفوعا إلى النبى عليه السلام فيسألانه عن ربه ودينه ونبيه وكتابه وإمامه وعمره وماله، فإن أجاب بالحق استقبل من قبل الملائكة بالريح والريحان وكان قبره روضة من رياض الجنة، وإن تلجج لسانه بالإجابة تكشف له منزله بالنار واستقبلته الملائكة بنزل من حميم.

أنا شايفة إن حتى دى مش جاهزينلها.. البنات أو الولاد اللى بيفضلوا يقولوا يارب أموت وربنا ياخدنى طب ماشى جاهز بقى تقابل ربنا؟ الإجابة أكيد لا، لأن حتى الأسباب اللى عايز تموت عشانها تغضبه يبقى نحاول نقرب من ربنا نحاول نتلاشى الحرام ونعف نفسنا منه يا ريت تفكر فى الآخرة الدنيا مش ديمالك ما دايم إلا وجه الله لا فلوس ولا حب ولا أصحاب عملك لآخرتك هو اللى باقيلك هتتسئل لوحدك فى الآخر يوم يقول الناس نفسى نفسى ويقول رسول الله (ص) "أمتى أمتى" محدش هيساعدك غير نفسك فكر فى ربنا وما تقولش أنا صغير الموت ما بيفرقش بين صغير وكبير لازم نلحق نفسنا وننهض من اللى إحنا فيه فكر شوية قرب من ربك واشتكيله حاول تكون أحسن اجهز لليوم اللى ما ينفعش لسانك يقف فيه اجهز عشان أنت مش ضامن بكرة معانا ولا مع السابقين.

اللهم لا تأخذنا إلا وأنت راض عنا.