مبروك العيد يا أهل بلادنا
ويارب بخيراتك زيدنا
الإيد فى الإيد
والعزم شديد
واتِهلّى يافرحة أعيادنا
مبروك العيد يااهل بلادنا
******
يجعل أيّامنا فرح وزهور
واعياد وحضارة تشوف النور
من راس التين
لحدود شلاتين
أمن وأفراح جوّه ولادنا
مبروك العيد يااهل بلادنا
******
ومراكب ترقص فوق النيل
وهرم على وِحِدة بلدى دليل
الله على شعب
يسير ع الدرب
وسلام بيرفرف ع المدنة
مبروك العيد يااهل بلادنا
*******
وتاريخنا سلام وعمل واعياد
واسألوا عننا كل الأجداد
أرضِنا بتجود
والله موجود
سُبحانه الواهب أمجئدنا
مبروك العيد يااهل بلادنا