وائل عبد الودود حسين يكتب: ابكى يا عين

ابكى يا عين بالدمع الحزين ابكى وخرجى الحزن الدفين يمكن قلبى يرتاح من سكن الجراح يمكن يرجع يشوف ألوان الأفراح ابكى بصوت مسموع ولا تحبسى أى دموع ده ياما القلب عاش موجوع ولا الفرح ما عاد له رجوع ابكى ولا تحبسى البكا ده الحزن منك اشتكى فاكرك عيون مخيفة وقاسية ولا أنتى عيون ناسية أى إحساس بالألم أو حتى إحساس بالندم بس ده مخالف للظنون مخالف لطبيعة العيون الحزن فيها كتير مكنون ولو عرفوا الحقيقة يلاقوها عيون غريقة فى بحر من الأحزان على مر الزمان بس ما راضية تشكى ولا راضية تقول وتحكى كاتمة وساكتة من جواها دايماً باكية بس من غير دموع