مجدى لطفى يكتب: أيام زمان

طول عمرى بحب الرسم كنت زمان وأنا صغير برسم قلب وكان قريب منى ومن إيدى جدا. كنت بتمنى انه يحس بيا وبحبى له. حاولت كتير أبين له أنا بحبه قد إيه، من لمسة إيدى وقبلتى عن طريق قلمى اللى رسمته بيه واختيارى للون اللى لونته بيه. كل ده عشان يعرف أنا بحبه قد إيه. ولما كبرت عرفت أن القلب ده أبكم أصم لا يمتلك إحساسا ولا مشاعر، عرفت أن مهما تكلمت معاه لا يسمعنى ولو أردت أن أسمعه لا يتكلم معى ولا يحس بى ولا بما يدور بداخلى لا هو ولا ألف قلب رسمته. عرفت لما كبرت أنه مش كل شىء رسمته وأنا صغير يستطيع أن يحبنى أو يكلمنى أو يسمعنى أو يحس بى. وعرفت ان كل ما رسمته وأنا صغير قد تغير عندما أصبحت كبيرا.. ليس بيدى ولكن بيد غيرى ولذلك تمنيت لو ظللت صغيرا.