عبد الحميد بدوى يكتب: عينكى بتخطفنى خطف

حلو الحب بس اللى أحلى منه عنيكى حلو الحب بس اللى أحلى منه لمسة أيديكى كلك طيبة وكلك عطف زرعه فى قلبى جناين ورد أقطف وحدة تملأ الكون حب فى حب عنيكى غنوتين حلوين عنيكى دنيتين حلوين عنيكى بتخطفنى خطف مش عارف اذا كنت فى جزيرة ولا أنا ع الشط قوليلى فين القلم وفين الورقة وفين أول السطر بيقولوا قواعد الشعر نحو وصرف ووزن وفعل وكلام لا يودى ولا يجيب وأقرأ فى البحور وبحر الكامل وبحر الرجز و أنا عندى عينكى هى النبع وهى البحر وهى الشعر وهى الاصل عينكى بتخطفنى خطف صدقينى بأكتب وخلاص بس بكتب بأحساس ولا غاوى نحو ولا غاوى صرف دى عينكى مرسومة رسم عينكى هى الوحى تعالى قربى متبعديش متضيعيش الوقت لما بتبعدى عنى بهرب فيكى منى وباخد صورتك فى حضنى ودا كله غصب عنى أكمنى بحب بجد عايش عايش على وعد مايكنش بينا بعد يالى حبك من السما أنفرض فرض مين اللى قال أنى أنا بأكتب شعر أنتى القصيدة وأنتى الوطن وأنتى الارض عينكى ما بشفهاش بعنية بحسة بقلبى وكل حتة فيه عينكى فيها زمانى عينكى قلبت كيانى جمالهم كتير عليه وقوليلى منين أيجيب صبر هاتى عينكى خلى الكون يكتب شعر خلى العالم يرسم ورد أملى الكون حب فى حب غيرى شكل الارض يالى حبك من السما أنفرض فرض عينكى بتخطفنى خطف