قررت نهى النواوى أن تساعد خطيبها بشكل مختلف حتى يتمما ارتباطهما من خلال مشروع عربية بطاطا لكن بشكل مختلف، حيث يتم إضافة بعض المكونات للبطاطا مما يكسبها مذاقا مميزا مثل الشيكولاتة والسكر..
شرحت "نهى" تفاصيل مشروعهما الصغير والظروف التى دفعتهما للتفكير فيه، على صفحتها على الفيس بوك، قائلة "كنا قاعدين من حوالى أسبوعين أنا وأحمد خطيبى بندور على فكرة قبل بداية السنة كمصدر دخل إضافى فى 2016 عشان فرحنا السنة ديه انشالله وكمان عشان أحمد اعتماده الرئيسى على السياحة وطبعاً كلنا عارفين المجال ده عامل ازاى فى مصر دلوقتى".
أضافت نهى:"قررنا تطبيق concept موجود فى كل بلاد العالم حاجة تحت مسمى street food projects وده حاجة بتناسب ظروف أى حد فالدنيا سواء موظف أو صاحب عمل أو بدون عمل أصلاً سواء معاك رأس مال أو بدون".
أكدت نهى أن "فكرة المشروع ByBike تعتمد على عجلة بتلف كل حتة بنبيع عليها بطاطا بطريقة مختلفة عليها nutella وشوية حاجات تانية كل يوم بعد شغلنا من 9 لحد 12 بليل"
وعبرت عن سعاتها بالمشروع قائلة "الحمد لله عمرنا ما كنا نتخيل إن ربنا يوفقنا لدرجة كل إللى بيحصل ده إن ناس تجلنا من كل حتة كل يوم عشان عجبهم المنتج إلى اخترعنا من دماغنا وبدون رأس مال ونلاقى ناس بتنشر موضوعنا فكل حتة وفرحنا بتجربتنا وفى أقل من 4 أيام نلاقى قناة المحور بتكلمنا عشان تصور معنا !! هل فعلاً حد يصدق ده ؟؟".
وأكدت أنها تريد نشر فكرة المشروع حتى يستفيد منها كل الشباب اللى بيكون نفسه: "دلوقتى ال-mission بتعتنا إنتشار concept ده فى كل حته فى مصر وتحويل شوارعنا إلى منظر حضارى من ال-small youth projects انشالله".
ومن جهة اخرى أوضحت أن التعليقات السلبية على المشروع لم تثنى عزيمتهما أو تقلل من حماسهما، قائلة "أنا وأحمد فعلاً مش فارق معانا كل التعليقات السلبية إلى ضدنا أو بتهاجمنا عشان أكيد احنا عارفين إن دة طبعى جداً بالذات فى بدايه أى مشروع جديد أو غريب لكن كل إلى بنطلبو منكم كلكم انكم تعيدو حسبتكم على كم الوقت إلى بيضيع على الكافيهات أو القهاوى أو أى مكان بدون أى جدوى يومياً وتخيل تحويل نص الوقت دة فى خدمة أى مشروع فى الدنيا إنت تختاره" .
وأكدت نهى تفاؤلها بالمستقبل قائلة "إنشالله إحنا حنخلى بكرة أحلى ---- مستنينكم كلكم على ByBike عشان نسمع رأيكم بجد فى أحلى بطاطا فى الدنيا".
