نصر فتحى اللوزى يكتب: الأمل.. وآذان الفجر

عم ياسين مع الفجر زارع الورد والياسمين بيسعد أرواحنا بالفل والرياحين بيرسم الأمل فى كل البساتين يملا الصدور بالأمل للخير مشتاقين وخيوط الشمس فى كل صباح بتعزف موال الصبر والملاح سابح فى بحر والعرق مجداف وطيور بتغرد على شجرة الصفصاف وكل قلب ينادى يارب العالمين أنا بالأمل والعمل باقول آمين أنا اللى دايب فى ترابها بالأمل ترجع لأعلى مراتبها والأمل بيتولد مع آذان الفجر حى على العمل والصبر معزوفة الأمل مع صوت سواقيها ودعاء للقادر من المحن يحميها ويكبر ورد الأمل فى كل ضواحيها تفوح ريحة الفل فى كل مآقيها وأنادى ياعم ياسين ألاقيه بيكتب كلمة أمل لكل المخلصين يتحول الأمل لحب العمل تموت تحت رجليهم كلمة كسل ونسمع صوت من الجامع وكل قلب بالحب سامع صوت عمنا ياسين ينادى كل اللى لربهم طائعين لبوا نداء رب العالمين حى على الإخلاص بالعمل يعم الخير لكل الزارعين فى كل الميادين بحب الوطن مؤمنين نحصد من عرقنا الفل والياسمين ويعلى صوت عم ياسين يقتل فى كل الميادين أصوات الغربان وحقد الحاقدين تطل علينا خيوط تنسج لنا كلمة أمل أمل فى قلوبنا بالعرق يكتب لنا النصر لست الحبايب أمنا مصر والمح بسمة رضا على وش عم ياسين وسامعه بيقول أنا بحبها من المتيمين يارب احفظها بالخير زودها قولوا معايا وعم ياسين آمين... آمين ... آمين