أحمد الغرباوى يكتب :كــــــدّاب

كدّاب..! عينك شايفة اللهفة باردة وبتجمّد دِمعة دمعة عِنوة لمّا يطلّ شوفك بدرى..! وبحَيا قلبى نار تحرق كلمى يجرف سيله نبضى يترمّد عَ الجدران كُلّى..! وعَ الضفاف ينزلق شوقى لحماٍ بضّا لثريد وجدى..! كدّاب..

وبتقولى دا أحلى عذاب..! كدّاب..! إيدك حاسّة اللخمة اللى فى بوحى..

ينفرط المىّ ويتبعتر لحمى فى بللى..! ولمّا تضفّره سخونة عظمى..

تتلون جدائل شعرك بــ ريحتى..

ويقرر حجابك يعلن للعالم اسمى.. ويفضحنى..! كدّاب..

وبتقولى دا أحلى عذاب..! كدّاب..

زىّ النضارة اللى لبسها حرمان يتوارى فِ خجلى..

وضلمة وسواد بــ تشوفنى..

وبزيت بُكاى توقدنى ورماد يصبغ رِمشى..

منوّر قلبى بقنديل عشق وإيدك بتشاور على أبيض شعرى..! بروحى إزّاى تِتندى وفِ روحك تحسّى ولا ياحبيبى.. لا تلمسنى..! كدّاب..

وبتقولى دا أحلى عذاب..! كدّاب..! زىّ الدنيا غيبوبة لذّة.. وتعدّى..! فاكر كدِا عايش حبى..؟ وإنتى اللقمة اللى بيها يتجدّد جوعى لــ شبعى..! وشجى نفس.. شغف يدفعه عمرى..

لأوّل مرّة..

أوّل مرّة أحبّ.. وأعشق حياة فى جسدى..! كدّاب..

وبتقولى دا أحلى عذاب..! كدّاب..

زىّ الليل..

على خدر أنامل سَحر يخبّى طيفك فى حضنى..

على أرجوحة نفسى يتغطى بــ لحمى..! طول عمرى غفلة دجى بــ توهمنى..! وأتحمّل ألأم نهار يسرقك.. ويصدمنى..! وآثار وشمك بتغشى روحى.. حقيقى صدقنى..؟ صدقنى..؟ دنيا تعرّى اللى بيها متغطّى..! وحبّى مش بيبى دول بلذّة نشوة يسترنى..! روحك عريانة.. ومنها تحرمنى..! تحرمنى..! كدّاب..

وبتقولى دا أحلى عذاب..! كدّاب..

زىّ الأطلال..

اللى بناها هواى فى هدمى..

بنيتى عليها قصرى وإنتى..

فى حضن غيرى إنتى..! خدتى الدنيا اللى جايبها لك مهرى..

وقلبى وأنا سيبتى..! إزّاى..

إزّاى اللى جواكى حبّى ممكن يخونّى..؟ يخونّى..! كدّاب..

وبتقولى دا أحلى عذاب..! كدّاب..

زىّ النغمة اللى سلبة أرواح شاردة..

ومن آخر الدنيا واردة بين شفايفى تقولّى إنتّ اللى فِ دمّك سكنى..! وما أدرانى خدرى إنّك حبيبى سَمّى..! أموت حتّة حتّة ومش عارف أنسّل روحك من عظمى..! ولا طعم جلدك أغسله فى حرفى..! كدّاب..

وبتقولى دا أحلى عذاب..! كدّاب..

هوّا دا القصر اللى شيدته لعروس بحرى..

اغتصبتِ موجه وبملحه غسلت جسمك.. وأغريتى..! وبآهة عشق ترنّح وعَ الشط رمانى زبدى..! لمّا عرفتِ أن الباب لايفتح إلا بــ إسمى..! ورفضت اليمّ يحمل بساط.. ويشيلنى جسرى..! وإليكى..

طيّرنى ثوب جينز حبى..! وعميت عن غدر خلف ظهرك يحضن سكين ذبحى..! وقلب يلصّ عشق روحى من حجرة نومى..! طيّب ما أنا نورس بين الصخور عشّى..

وقانع بحبّات رمل تغازل رِجلى..! وما كنت يوما إلا طيف فى فجرى..! بينوّر أيامنا فى بُعدى..! إيه المتعة فى ندهى.. وجذبى..

إيه المتعة فى قتلى..؟ كدّاب..

وبتقولى دا أحلى عذاب كدّاب..! كدّاب..!