داس الجبان على الزناد / قوى العزيمة فى الولاد
ولو ألف واحد منا مات / فداكى روحنا يا بلاد
روحنا ليكى مسَلمين / ولينا رب اسمه الكريم
عاش البطل عاش الشهيد / عاشت عزيمة المصريين
كل اللى مات عشانك قال / فداكى روحه ومش كلام
يا أم الحياه يا أم الرجال / يا مصر يا أرض السلام
تجلى فيكى وجه الكريم / وناجاه موسى عليه السلام
قال ادخلوها آمنين / محروسة يا مصر بالقرآن
ياما اتغدر بيكى سنين / بس أنتِ برده بر الأمان
كتير فى أرضك طمعانين / حاولوا معاكى من زمان
بس أنتِ أم المصريين / يا رمز روعة فى الجمال
يموت عشانك ألف جيل / ما أنتِ مصنع الرجال