قارئ يشارك "صحافة المواطن" قصيدة بلسان أهالى شهداء الإرهاب

تتلقى خدمة "صحافة المواطن" بانفراد، عددا من رسائل القراء حول مواهبهم ما بين الرسم والشعر والغناء، وكانت آخر هذه المواهب للقارئ شاكر العربى، الذى نظم قصيدة تحية للشهداء وتنكيلاً بالممارسات الإرهابية، وآخرها حوادث مدينة العريش وحى الهرم.

وقال القارئ فى قصيدته: كلمينــى يـا رصاصة كلمينى وطمنينى !!؟؟ لما كنتى فى قلب ابنى.. اتـوجع ؟!! طب كان جدع أو كان بيبكى !!؟ طب مات جدع؟!! طب حس بيكى أو اتصرع !! و انتى داخله بكل قسوه تقتليه !!؟ كنتى عارفه انك رايحه تحرميه !!؟ من حياته ومن حياتى !!؟ هو كان أطيب ولادى !! كان يوماتى يبوس إديا !! و يقرا كل اللى فى عنيا اا وكان بيقضى حاجاتى ليا !! كنت لما يوماتى اصلى !! ادعى ليه من كل قلبى !! يفضل طول حياتى سندى !! و بعد ما اموت يبقالى صدقه !! بس عشت & وهو مــاااااااات !! إرهاب خد عمره سرقه !! وساب بموته فى قلبى حرقه !! يا رصاصه !! هو انتى حالفه تختارى الشباب؟!! و بعد موتهم برضه حالفه تسكنى !! جوه قلب الأمهات"؟! كلمينى يا رصاصه !!! كلمينى يا رصاصه !!! لما كنتى فى قلب ابنى اتوجع طب كان بيبكى.. طب مات جدع" شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب انفراد " برقم 01280003799، أو عبر البريد الإلكترونى [email protected]، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.