سمير حافظ النواجى يكتب: مصر جميلة خليك فاكر

نيلها وليلها وجو جميل أرض وشمس وشعب أصيل مصر بتحفظ كل جميل بلدى تاريخ مش نبت عويل طيبة وعشرة وصٌحبة خير و قلوب صافية مش تمثيل ناسها بترضى بأى قليل تعرف بيها شكل الخير مصر جميلة خليك فاكر فيها الطيب والشرير كان فيها رابعة والتحرير صبحت رابحة بالتغيير يمكن فيها نسل كتير وشعبها برضه ماله قليل بس دا كله مش تقليل مصر دى تبقا هبة النيل مينا وأحمس يبقوا ولادها ونصرت برضه صلاح الدين مصر جميلة خليك فاكر مصر دى هى أم الدنيا حتى إن كان فيه ناس كارهين مصر هتفضل قد الدنيا مش قد جماعة ولا اتنين مصر دى تبقا حضارة النيل عايز تعرف فين حلاوتها خٌش حوارى وشوف زنقتها واسأل ناسها عن غلاوتها هتلاقى قلوب دايما عاشقين مصر جميلة خليك فاكر قولى سيادتك بلدك مين ؟